Allgmeini Gschäftsbedingige (AGB)

1. VERTRAGSBEDINGIGE

Die noochfolgende Gschäftsbedingige regled d'Beziehige zwüsche em Uftraggäber und dr TERrara GmbH (noochfolgend TERrara). Si sind integrierte Bestandteil vo jedem Uftrag. Bi Widersprüch gönd d'Bestimmige im Vertragstext dene AGB vor. Allgemeini Gschäftsbedingige vom Chund werdet nöd Vertragsbestandteil.

2. FORM

Alli Vereinbarige (inkl. nochträgliche Änderige, Nebeabrede und Zuesicherige) vo de Vertragsparteie bruchet zu ihrer Gültigkeit d'Schriftform. Dr Schriftform gliichgstellt sind anderi Forme vo dr Übermittlig, wo de Nachwies durch Text ermöglichet (E-Mail, SMS usw.).

3. LEISTIGE

TERrara bezweckt d'Gstaltig, Programmierig und Veröffentlichig vo Date bezüglich sämtliche Grundstück i dr Schwiiz. TERrara erschafft e Wält, i dere Informationsbeschaffigsuufwänd für burelevanty Grundstücksinformatione uf s'möglichst chlinsty Mass abebroche werdet. E vorgsondreti Filtrierig vo de betroffen Date söll schnellst mögliche Überblick über d'vorherrschendi Situation und s'mögliche, maximal realisierbary Buupotenzial liefere. TERrara verpflichtet sich zu ere sachkundige und sorgfältige Uftragserfüllig. Si informiert de Chund regelmässig über de Fortschritt vo de Arbete und zeigt ihm schriftlich alli Umständ a, wo d'vertragsgemässi Erfüllig beiiträchtige chönntet.

4. TREUEPFLICHT

TERrara verpflichtet sich, die ihre übertragne Ufgabe sorgfältig und verantwortigsbewusst z'erledige. Avertruuti oder für de Uftraggäber erarbeiteti Informatione werdet vertrulich behandlet.

5. URHEBERRÄCHT

D'Urheberrächt a alle vo TERrara gschaffene Wärk (Factsheets, Kalkulatione, usw.) ghöret grundsätzlich TERrara. Us dem Grundsatz folgt unter anderem, dass de Uftraggäber ohni Iiverschtändnis vo TERrara nöd berechtigt isch, Änderige a de beträffende Arbete – insbesondery a dr Gstaltig – vorzüneh. Idee und Gstaltig bliibet geistigs Eigetum vo TERrara.

6. NUTZIGSUMFANG

De Umfang vo dr erloubte Nutzig vo de durch TERrara gschaffene Wärk ergibt sich us em Uftragsbeschrieb, beziehigswiis dr Offertestellig. Die vo TERrara gschaffene Wärk, Uftragsunderlag oder Teil devo, wo em Uftraggäber usghändigt werdet, dörfet usschliesslich im Rahme vom vereinbarte Uftrag gnutzt werde. Wenn nüt anders vereinbart wird, bezieht sich d'inhaltlich, ziitlich und geografisch Nutzig durch de Uftraggäber uf d'einmalig Verwendig vom gschaffene Produkt. Für jedi usserhalb vom Vertragszweck liigendi Nutzig hät de Uftraggäber d'Erloubnis vo TERrara iizhole und entsprechend z'entschädige.

7. GWÄHRLEISTIG

Bi Bearbeitig, Apassige oder Umgstaltig vo Wärk (Gstaltigsarbete, Fotos, Täxt, elektronischi Date, usw.), wo durch de Chund aglüferet werdet, goht TERrara devo uus, dass d'Berechtigung zu söttigne Verwändige vorliit und dementspreched keini Rächt vo Dritte verletzt werdet.

8. UFBEWAHRUNGSPFLICHT

TERrara bewahrt d'Uftragsunderlag und insbesondery d'digitale Date für mindeschtens es Johr noch Fertigstellig vom Uftrag uf. Drüber hinuus isch es ohni anders lutende schriftlichi Wiisig vo dr wiitere Ufbewarig befreit.

9. USGOOB VO DATE UND ORIGINALE

D'elektronische Date und Originale ghöret grundsätzlich TERrara und werdet em Chund nur für die vereinbarti Nutzig zur Verfüegig gstellt.

10. ABTRETIGS- UND ÜBERTRAGIGSVERBOT

Weder de Chund no TERrara chönd d'Rächt us dr Vereinbarig ohni Zuestimmig vo dr Gegepartei an e Dritte abtrete und/oder d'Vereinbarig uf e Dritte übertrage. Wird d'Vereinbarig oder d'Honorarverpflichtig mit Zuestimmig vo allne Beteiligte vom Chund uf e Dritte übertrait, so haftet de Chund gegenüber TERrara zuesätzlich für sämtlichi bestehendi und künftigi Asprüch us dr Liferig an de Dritt sälbständig, solidarisch und unbeschränkt.

11. OFFERTE

11.1 Verfall/Verzug

Mit ungnutztem Ablauf vo dr uf dr Rächnig agebene Zahligsfrischt gröt de Chund ohni Mahnig in Verzug und schuldet TERrara näbscht em Rächnigsbetrag de gsetzlich Verzugszins.

11.2 Verrächigsverbot

De Chund isch nöd berechtigt, fälligi Zahlige zruckzhalte oder mit Gegeforderige z'verrechne, es sei denn, die Gegeforderige sind vo TERrara schriftlich und usdrücklich anerkennt oder in eme rechtskräftige Urteil feschtgstellt worde.

11.3 Mehrwärtsteuer

Sött für üseri Leistige irrtümlicherwiis keini Mehrwärtsteuer in Rächnig gstellt worde si, obwohl d'Leistige gmäss Schwiizer Mehrwärtsteuergsetz beziehigswiis unterschiedlicher Interpretation vo dr Eidgenössische Steuerverwältig dr Mehrwärtsteuer underliget, so behält sich TERrara s'Rächt vor, d'Mehrwärtsteuer noochträglich z'fakturiere.

12. HONORAR

Die uf dr Offerte ufgführte Beträg sind Netto-Beträg in Schwiizer Franke. D'Rächnige sind zahlbar innert 30 Tage noch Rächnigsdatum, wenn nüt anders vermärkt isch.

13. UFTRAGSERTEILIG

D'Uftragserteilig cha mündlich, per Mail oder Brief erfolge und setzt automatisch vorus, dass die Allgemeine Gschäftsbedingige gläse und vollumfänglich akzeptiert worde sind.

14. HAFTIGSBESCHRÄNKIG

14.1 Beratig

Im Rahme vom Uftrag werdet Entscheidigsgrundlage erarbeitet, welchi die durch de Uftraggäber z'ergriifen Massnahme beinhaltet. D'Verantwortig für d'Durchführig vo dene Massnahme und ihri Konsequenze liget usschliesslich bim Uftraggäber. E über de Uftragswert uusreichendi Haftig uf allfällig gältend gmachti Forderige infolge direkte oder indirekte Schäde us Mängel wird abglehnt. D'Haftig beschränkt sich uf grobes Verschulde.

14.2 Bewertig

D'Bricht und insbesondery die darin enthaltene Prognose werdet vo TERrara im Rahme vom Uftrag under Berücksichtigung geltender Berufsnorme noch beschtem Wüsse sorgfältig erarbeitet und verfasst. Obwohl TERrara d'Date sorgfältig ufbereitet, cha si für ihri Korrektheit nöd garantiere. Bi de Date handlet es sich um Schätzig, wo systembedingt e gwüssi Ungenauigkeit ufwiised. Us dem Grund cha de Uftraggäber keini Haftigs- oder Schadenersatzleistige us de gliiferte Date ableite.

14.3 Haftigsusschlüss

TERrara haftet nöd für reini Vermögensschäde, insbesondery nöd für entgangene Gwünn. D'Haftig für liichti Fahrlässigkeit wird wegbedunge.

14.4 Haftigsbegrenzig

D'Haftig vo TERrara wird insgesamt begrenzt uf d'Höhi vom noch Massgab vo dr Vereinbarig gschuldete Honorar. Die Begrenzig gilt für jedi Art vo Schade, gstützt uf welche Rächtsgrund au immer.

15. MÄNGELRÜEG

Die vo TERrara erbrochte Leistige und Produkt sind bi Empfang umgehend z'prüefe. Allfälligi Beanstandige hönd innerhalb vo 5 Tage z'erfolge.

16. SALVATORISCHI KLAUSEL

Söttet einzelni Bestimmige vo dem Vertrag ganz oder teilwiis unwirksam oder nichtig si oder werde, so wird dadurch d'Wirksamkeit vom Vertrag im Übrige nöd berüehrt. D'Parteie verpflichtet sich, die unwirksami oder nichtigi Bestimmig durch e wirksami Bestimmig z'ersetze, wo em gwollte wirtschaftliche Zwäck am nächschte chunnt. S'gliiche gilt im Fall vunere Lücke.

17. RÄCHT UND GRICHTSSTAND

D'Beziehige zwüsche Uftraggäber und TERrara understönd schwiizerischem Rächt.

Grichtsstand isch de Gschäftssitz vo TERrara.